فجأهـ على الجوال جاني اتصالي

[center]بسم الله الرحمن الرحيم
السلام عليكم ورحمة الله وبركاته

قصيدة أتمنى أن تحوز على رضاء الجميع


فجأه على الجـوال جانـي إتصالـي

من رقم والله فيه خمسـة ثلاثـات
قالت مساء الخيـرات ياكـل غالـي

تسمح ادردش معك لو بضع لحظات
ابـا اتـونـس دام للـيـل تـالـي

ومعك بـدردش دردشـه فالثقافـات
قلـت اعذرينـي مارتخـي للهزالـي

طبعي كـذا ماحـب اكلـم بنيـات
قـالـت مصيـبـه وي ياهمـلالـي

غريـب هـاذا مايكلـم جمـيـلات
قلت اقفلي قالت تـرى مـن حلالـي

شكلـك بخيـلاً ماتحـب الكلافـات
قالت عزوبي قلـت راضـي بحالـي

افضل من إني اعتنق قصر الاهـات
قالت هذا قصراً مهـو قصـر خالـي

قصراً به الراحـه وكـل المسـرات
قلت (( فلانهـ))اللي ابيهـا حلالـي

للحيـن ادورهـا وللحيـن ماجـات
قالـت انـا يمكـن يهـزك جمالـي

جرب وربي ماتشـوف الحسوفـات
قلت الجمال اللـي احتـواه الدلالـي

ضميه لايصبـح مـع الريـح ذرات
قالت عـن الغلطـات خلـك مثالـي

ترى سلوبك يرفع الضغط ساعـات
ضحكت منها ضحكه بصـوت عالـي

ومع ضحكتي زودت بعض التنهـات
قالت غبي قلت الغباء شـي خيالـي

خصوص للي مثل نوعـك غبيـات
قالت خبل قلت افتخـر فـي خبالـي

احب اكون الخبل لاشفـت خبـلات
وقبل مهبول اقـول ماحلـى هبالـي

ترى الهبال يطيب لي فبعض الاوقات
قالـت احسـك ماتحـمـل جـدالـي

وراك متذمـر وداخلـك حـسـرات
قالـت بجـد ابـي تجـاوب سؤالـي

ارجوك جاوبني وقـول الصراحـات
هل لك حبيبـه قدرهـا بجـد غالـي

والا تونـس خاطـرك بالصداقـات
قلت احتفـظ فـي هالاجابـه لحالـي

وصكي ترى ماحب بعض التفاهـات
قالت قهر ليتـك مـن اعيـال خالـي

والا امي وامـك خـواتً شقيقـات
والله لحبـك لينـه إيبـيـد حـالـي

ووالله لسوي في غلاك المصيبـات
لاكن تبي المنتـوج يابـن الحلالـي

لقيت رقمك عنـد اعـز الصديقـات
قالت هـذا شاعـر وصوتـه خيالـي

شوفي عنه يمكن يسـوي علاقـات
وهزيت راسي مـن جنـونً بحالـي

جنون من يونس من الوقت طعنات
ليه الورود اليوم مـن غيـر والـي

وشلون ترمى فالخطـر والمتاهـات

الله يعطيك العافيه
جميله جدا ياشاعرنا الله يبارك فيك
نبي اكثر